Мөрәҗәгать уңай хәл ителде
Татарстан Республикасында Кеше хокуклары буенча вәкаләтле вәкил Аппаратына Түбән Кама районының Благодатное авылында яшәүче гражданка Т. дан мөрәҗәгать керде. Ул безгә үзенең әнисе - 1957 елгы гражданка мәнфәгатьләрендә мөрәҗәгать итте.
Мөрәҗәгать итүче сүзләренчә, Түбән Кама шәһәренең «Прозрение» клиникасында тикшерү нәтиҗәсендә расланган тотрыклы күрү сәләте бозылуга карамастан, аның әнисе озак вакыт медик-социаль экспертизага юллама рәсмиләштерә алмаган. Барлык кирәкле документлар участок терапевтына тапшырылган, анализлар тапшырылган, әмма мәсьәлә хәл ителмәгән.
Без Татарстан Республикасы Сәламәтлек саклау министрлыгына вәзгыятьне ачыклауны сорап мөрәҗәгать иттек. Тикшерү барышында мөрәҗәгатьтә бәян ителгән мәгълүмат расланды. Медик-социаль экспертизага юлламаны рәсмиләштерүдә тоткарлык документларның тулы пакеты һәм табиб-невролог консультациясе булмау, шулай ук дәвалаучы табибның вакытлыча булмавы белән бәйле.
Вәкаләтле вәкил катышканнан соң вәзгыять җайга салынды. Гражданка Р. тиешле тикшерү узган, һәм 2025 елның 12 мартыннан аңа гомуми авыру буенча срогы чикләнмәгән I группа инвалидлык билгеләнгән. Аңа шулай ук тернәкләндерү һәм абилитацияләүнең индивидуаль программасы эшләнгән.
Кама Аланы хастаханәсенең баш табибына МСЭга юллау срокларының үтәлешен контрольдә тотуны көчәйтергә, шулай ук медицина персоналы белән аңлату эшләре алып барырга кушылган.
Медицина һәм эксперт ярдәменнән вакытында һәм квалификацияле файдалану - һәр гражданның аерылгысыз хокукы!