Җәмәгатьчелек ярдәмчеләребез белән 2024 елгы эш йомгаклары буенча семинар-киңәшмә уздырдык
2025 елның беренче кварталында безнең җәмәгатьчелек ярдәмчеләре тарафыннан 327 мөрәҗәгать каралды, шәхси кабул итү кысаларында 333 граждан кабул ителде. Алар район комиссияләре утырышларында актив катнашалар, җәзаларны үтәтү учреждениеләренә йөриләр, “Кеше хокуклары дәресләре” үткәрәләр, махсус хәрби операциядә катнашучыларның гаиләләренә ярдәм итәләр, хокукый консультацияләр оештыралар. Җәмәгатьчелек ярдәмчеләре эшчәнлеге турындагы хисапларны өйрәнгәндә, эшчәнлекнең төрле өлкәләренә караган мөһим һәм ихтирамга лаек эш формаларының киң исемлеген аерып күрсәтергә мөмкин.
Чара кысаларында без командабызга кушылган яңа хезмәттәшләребезне сәламләдек. Шулай итеп, түбәндәге районнарда җәмәгатьчелек ярдәмчеләре билгеләнде:
Тукай муниципаль районы,
Әгерҗе муниципаль районы,
Теләче муниципаль районы,
Яңа Чишмә муниципаль районы.
Без шулай ук коррупциягә каршы сәясәт мәсьәләләренә аерым игътибар бирдек, чөнки коррупция төбәк икътисады үсешенә тискәре йогынты ясый торган фактор булып кала бирә.
Кадерле коллегалар, сезнең һәрберегезгә ихлас күңелдән хезмәтегез, кешеләргә игътибарлы булуыгыз һәм сез башкарган мөһим эшегез өчен рәхмәт.