"Ватанны саклаучылар" фондының Татарстан Республикасы филиалында гражданнарны кабул итү узды

2024 елның 3 декабре, сишәмбе

Махсус хәрби операциядә катнашучыларның гаиләләре катлаулы вакыт кичерә. Аларның һәр мөрәҗәгате - якыннары өчен борчылу, ярдәмгә өмет һәм яклау. Мондый шартларда битараф калмаска һәм уртак тырышлык белән чишелеш эзләргә кирәк.

Бүген «Ватанны саклаучылар» фонды филиалы җитәкчесе Гүзәл Удачина белән берлектә гражданнарны кабул иттек. Барлыгы 11 кеше мөрәҗәгать итте, һәм сорауларның күбесе әсирлектә булган туганнарына кагылды. Без һәр мөрәҗәгатьне җентекләп карап чыктык, аңлатмалар һәм тәкъдимнәр бирдек, шулай ук киләчәктә бергәләшеп эшләү  юлларын җентекләп тикшердек.