Инвалид балаларның ата-аналары (законлы вәкилләре) өчен “Хокукый белемнәр мәктәбе” дәресе
Инвалид балаларның ата-аналарына (законлы вәкилләренә) алда торган сайлаулар турында сөйләделәр.
ТР Үзәк сайлау комиссиясе каршындагы Эксперт советы рәисе Роман Беляков бүген инвалид балаларның ата-аналары өчен “Хокукый белемнәр мәктәбе” дәресе кысаларында, Татарстан Республикасы Дәүләт Советына депутатлар сайлауга әзерлекнең йомгаклау этабы, сайлау кампаниясенең үзенчәлекләре, шулай ук физик мөмкинлекләре чикләнгән сайлаучыларның мөмкинлекләре турында сөйләде.
📍 Исегезгә төшерәбез, 2024 елның 8 сентябрендә, бердәм тавыш бирү көнендә, җиденче чакырылыш Татарстан Республикасы Дәүләт Советы депутатларын сайлаулар узачак.
📍 Тавыш бирү вакыты: 7.00 сәгатьтән 20.00 сәгатькә кадәр, онлайн-тавыш бирү каралмаган.
📍 Тавыш бирү традицион форматта бер көндә узачак.
📍 VII чакырылыш ТР Дәүләт Советының 50 депутаты партия исемлекләре буенча һәм шул кадәр үк — бер мандатлы сайлау округлары буенча сайланачак.
📍 Вәкаләтле вәкил Аппаратында +7 (960) 049-68-14 телефоны буенча "кайнар элемтә" эшләячәк.