Узган атнада "Халык контроле" ТР дәүләт мәгълүмат системасында эш

«Халык контроле» ТР дәүләт мәгълүмат системасында мөрәҗәгатьләрне карау сыйфатын яхшырту максатында Вәкаләтле вәкил Аппараты хезмәткәрләре көн саен системага керүче хәбәрнамәләр мониторингын үткәрә.

Узган атнада системага 4 568 мөрәҗәгать басылып чыкты, шуларның 1 520 буенча чаралар күрелде.

Гадәттәгечә сезгә «Халык контроле» ТР дәүләт мәгълүмат системасы аша җаваплы башкаручылар тарафыннан килгән мәсьәләләрне оператив хәл итү мисаллары турында сөйлисем килә:

Яр Чаллы шәһәре Автозавод районы администрациясе тарафыннан Яр Чаллы шәһәренең 51/04 номерлы торак йорт ишегалдында  чокырлар ремонтланды(№6433244);

Яшел Үзән  районы башкарма комитеты тарафыннан Яшел Үзән  районы Осиново авылында Гайсин урамындагы 11 нче йортның подъездының 2 нче номерлы керү юлына ремонт ясалды (№ 6440828);

 Бөгелмә районы башкарма комитеты тарафыннан Бөгелмә шәһәренең Ярослав Гашек урамындагы 7 нче йорт ишегалды территориясеннән эре габаритлы чүп-чар чыгарылган(№6449326);

 Тышкы төзекләндерү комитеты тарафыннан Казан шәһәренең Натан Рахлин урамындагы 3 нче йорт ишегалдында  яктырту торгызылды( № 6438154).

Узган атнада Татарстан Республикасында яшәүчеләр иң актив рәвештә түбәндәге категорияләр буенча мөрәҗәгать иттеләр:

"Территорияне комплекслы төзекләндерү" - 468;

"Муниципаль юлларны карап тоту һәм ремонтлау" - 280;

“Йортны карап тоту” - 146;

“Тышкы яктыртуны оештыру” – 99;

“Юл хәрәкәтен оештыру” – 69.

Сез «Халык контроле» системасына «Халык контроле» мобиль кушымтасы ярдәмендә яисә ТР Дәүләт хезмәтләре порталында гариза биреп кенә республикабызда яшәүчеләрнең тормыш сыйфатын күтәрүгә һәм яшәү шартларын яхшыртуга үз өлешегезне кертә аласыз.