Узган атнада "Халык контроле" ТР дәүләт мәгълүмат системасында эш

«Халык контроле» ТР дәүләт мәгълүмат системасында мөрәҗәгатьләрне карау сыйфатын яхшырту максатында Вәкаләтле вәкил Аппараты хезмәткәрләре көн саен системага керүче хәбәрнамәләр мониторингын үткәрә.

Узган атнада системада 5 051 мөрәҗәгать бастырылган, шуларның 1 603 буенча чаралар күрелгән.

Гадәттәгечә «Халык контроле» ТР дәүләт мәгълүмат системасы аша җаваплы башкаручылар тарафыннан килгән мәсьәләләрне оператив хәл итү мисаллары турында сөйлибез:

+ "Уютный Дом" ҖЧҖ идарәче компаниясе тарафыннан Казанның Коллективная урамындагы 27 нче йорт янында чүп-чарны җыештыру эшләре башкарылды (№ 6402687);

+ Зәй муниципаль районы башкарма комитеты Зәй шәһәренең пляжында суны ләмнән чистартты (№ 6400136);

+ Түбән Кама муниципаль районы башкарма комитеты тарафыннан Түбән Кама шәһәренең Җиңү мәйданында Мәңгелек ут  торгызылды (№ 6425696);

+ Чаллы шәһәре Үзәк районы администрациясе тарафыннан 38/13/2 номерлы торак йорт ишегалдында кече архитектура формасына ремонт ясалды (№6397860).

 Узган атнада Татарстан Республикасында яшәүчеләр иң актив рәвештә түбәндәге категорияләр буенча мөрәҗәгать иттеләр:

"Территорияне комплекслы төзекләндерү" - 584;

"Муниципаль юлларны карап тоту һәм ремонтлау" - 244;

“Йортны карап тоту” - 143;

“Тышкы яктыртуны оештыру” – 78;

“Юл хәрәкәтен оештыру” – 64.

Сез «Халык контроле» системасына «Халык контроле» мобиль кушымтасы ярдәмендә яисә ТР Дәүләт хезмәтләре порталында гариза биреп кенә республикабызда яшәүчеләрнең  тормыш сыйфатын күтәрүгә һәм яшәү шартларын яхшыртуга үз өлешегезне кертә аласыз.