Россия көне белән котлау

 Татарстан Республикасында Кеше хокуклары буенча вәкаләтле вәкил Сәрия Сабурская:

“Россия! Туган илем! Уртак һәм төп бәйрәмебез - Россия көне белән котлыйм!

Бердәмлек һәм горурлык бәйрәме белән – Ватаныбыз, аның тарихы, мәдәнияте, һәр заманда көчләрен кызганмыйча хезмәт иткән, илне яклаган, аның үсешен тәэмин иткән кешеләр өчен. Бу бәйрәм, яшь булуына карамастан, тантаналы даталарның рәсми календаренә генә түгел, ә үзләрен горурлык белән россияле дип атаган һәркемнең йөрәгенә дә ныклап кереп калды.

Безнең дәүләт тарихы якты җиңүләр һәм казанышлар, тиңдәшсез батырлык һәм тугрылык, искиткеч осталык һәм талант белән тулы. Безнең ата-бабаларыбыз, дошманнар белән көрәштә, берләшеп, һәрвакыт туган җирләрен батырларча яклаганнар. Гасырлар дәвамында шулай булган,  безнең егетләр неонацистлар белән сугышканда хәзер дә шулай.  Әмма безгә күпме генә каршылык булмасын, без алга таба да гасырлар буе дәвам иткән гореф-гадәтләрне һәм рухи кыйммәтләрне саклауны дәвам итәчәкбез, намуслы хезмәт итәчәкбез, уңышларга ирешәчәкбез, хыялларыбызны тормышка ашырачакбыз һәм, әлбәттә, җиңәчәкбез.

Хәзер Россия Кораллы Көчләре сафларында, бигрәк тә махсус хәрби операция уздыру зонасында ил мәнфәгатьләрен яклаучы, җитештерүдә һәм авыл хуҗалыгында эшләүче, тормыш эшчәнлегенең төрле өлкәләрендә намус белән эшләүче һәркемгә – уңышлар һәм иминлек, нык сәламәтлек, туган ил файдасына эшләрдә уңышлар телим! Россия көне белән!"