Әзербайҗан Республикасында Кеше хокуклары буенча вәкаләтле вәкилнең Татарстан Республикасы Дәүләт Советының «Мәрхәмәт-шәфкатьлелек»хатын-кыз депутатлар берләшмәсе вәкилләре белән очрашуы
Хатын-кызларга сыгылмалылык, сабырлык һәм компромисска баруга омтылу хас. Без эчкерсез эшлибез, ярдәмгә мохтаҗ булган һәркем өчен борчылабыз, төрле тырышлыклар куябыз.
Бүген без Әзербайҗан Республикасында Кеше хокуклары буенча вәкил Сабина Алиева белән берлектә Татарстан Республикасы Дәүләт Советының хатын-кыз депутатлар берләшмәсе вәкилләре белән очраштык. Бүген республика парламентында узган очрашуда кеше хокуклары һәм ирекләре, гаиләне, ананы һәм баланы яклау, киләчәктә уртак хезмәттәшлек мәсьәләләре тикшерелде.
Берләшмә җитәкчесе Алсу Нәбиева кеше хокукларын яклау эшендә хезмәттәшлегебез турында сөйләде, бигрәк тә без алып барган телефон «кайнар линияләре» турында.
"Мин безгә бик якын булган Татарстанга баруыма бик шатмын. Коллегаларыма, депутатларга парламент эшчәнлеге, аның тарихы һәм бүгенгесе белән танышу мөмкинлеге өчен рәхмәт белдерәм, – дип билгеләп үтте Сабина Алиева. - Без Россия-Әзербайҗан хезмәттәшлеге кысаларында республикаларыбыз белән барлык юнәлешләрдә үзара элемтәләрне үстерергә тиешбез”, - диде ул.