Мөрәҗәгать уңай чишелде
Безнең инициатива буенча инвалид бала тәрбияләүче гаиләнең торак шартларын яхшырту хокукы торгызылды. Минем адреска Казан шәһәрендә яшәүче гражданка Ф.торак бинасына мохтаҗ буларак исәпкә алудан баш тарту белән килешмәве турында мөрәҗәгать итте. Җирле үзидарә органы җавабында мөрәҗәгать авторына гариза бирүче гаиләсенең барлык әгъзаларының керемнәрен раслаучы мәгълүматлар булмау сәбәпле, торак бинага мохтаҗ буларак исәпкә куюдан баш тарту турында хәбәр ителгән.
Әлеге җавап белән килешмичә, җирле үзидарә органы тарафыннан ведомствоара хезмәттәшлек кысаларында әлеге мәгълүматларны үзем алу мөмкинлеге булганлыктан, мин карар кабул итү өчен Казан шәһәре башкарма комитеты җитәкчесе адресына хат җибәрдем. Безнең дәлилләрне карау нәтиҗәләре буенча, җирле үзидарә органы тарафыннан җитмәгән мәгълүматлар мөстәкыйль рәвештә соратып алынды һәм гариза бирүченең гаиләсе торак бинага мохтаҗ буларак исәпкә куелды.
Торак урынга мохтаҗлар буларак исәпкә кую һәм әлеге гаиләнең торак урынын яшәү өчен яраксыз дип тану белән бәйле рәвештә, гариза бирүче һәм аның гаилә әгъзалары социаль наем килешүе буенча торак урынын чираттан тыш тәртиптә алу хокукына ия. Хәзерге вакытта җирле үзидарә органы тарафыннан әлеге гаиләгә инвалид бала ихтыяҗларына җавап бирүче торак бина бирү вариантлары карала.