Татарстан Республикасында Кеше хокуклары буенча вәкаләтле вәкилнең җәмәгатьчелек ярдәмчеләре эше
Ярдәм - булган явызлык өчен киртә. (Платон).
Синең эшең никадәр авыр булмасын, синең яныңда кем булуы мөһим. Янәшәдә генә синең белән бер юнәлештә караучы һәм бер максатка омтылган кешеләр булганда - теләсә нинди бурыч хәлдән килә.
Татарстан Республикасы районнарында Кеше хокуклары буенча вәкаләтле вәкилнең җәмәгатьчелек ярдәмчеләре турында нәкъ шулай әйтәсе килә.
Яхшылык һәм шәфкать ягында фидакарь хезмәт итү - соклану һәм хөрмәт уята торган сыйфат. Җәмәгатьчелек ярдәмчеләре үз эшләрен түләүсез - төп эшләреннән буш вакытта башкаралар. Аны югары профессиональлек һәм чиксез ярату белән башкаралар.
2022 елда җәмәгать ярдәмчеләре:
- 720 гражданны һәм 1000гә якын мөрәҗәгать кабул итте;
- ел дәвамында түбәндәге район комиссияләрендә катнаштылар: хәрби хезмәткә чакырылу, хезмәт тәртибе таләпләрен үтәү һәм мәнфәгатьләр конфликтын җайга салу, коррупциягә каршы көрәш, халыкның тормыш дәрәҗәсен күтәрү һәм керемнәрне легальләштерү, террорчылыкка каршы көрәш, балигъ булмаганнар эшләре, торак һәм башка бик күп комиссияләрдә.
- бөтен илебез территориясендә урнашкан 10 хәрби частьтә булдылар: (Хабаровск крае, Оренбург, Свердловск өлкәләре, Башкортостан Республикасы);
- ГЛОНАСС+112 бердәм мәгълүмат системасы аша килгән хәбәрләр буенча 420 тапкыр тикшерүләргә чыктылар;
- үз муниципаль берәмлекләрендә Кеше хокуклары буенча бердәм дәрес үткәрделәр.
Санап бетергесез бурычлар татарстанлылар файдасына көн саен башкарыла. Мин аларга хезмәтләре һәм югары әхлакый сыйфатлары өчен бик рәхмәтле. Яңа елда тагын да уңышлырак хезмәттәшлеккә өмет итәм.