Татарстан Республикасы Дәүләт Советы утырышы
ЛНР, ДНР, Херсон, Запорожье өлкәләре һәм Украина территориясендә махсус хәрби операция башланганнан соң, Россия территориясендә мобилизацион чаралар уздыру барышында безнең эштә яңа функцияләр, яңа эшләр барлыкка килде, алар актив гамәлләр таләп итте.
Вәкил буларак, мин мобилизацияләнгән кешеләр һәм аларның гаиләләренә кагылышлы барлык сорауларга һәм эш формаларына тулысынча кушылдым. Мөрәҗәгатьләргә һәм өлешчә мобилизация сорауларына җавапларны без 24 сәгать эчендә бирдек.
Безнең адреска килгән мөрәҗәгатьләрне телдән дә, язмача да анализлап, шуны әйтергә мөмкин: өлешчә мобилизация буенча хәрби хезмәткә чакырылыш башланганда, нигездә, бу чакырылыш тәртибенә кагылышлы мәсьәләләр килеп чыкса, хәзер сораулар спектры шактый киңәйде: махсус хәрби операциядә катнашучыларның гаилә әгъзаларына ярдәм чаралары, хезмәт хокукларын яклау, кредитларны түләүгә кичектереп тору турында һәм акчалата түләү.
Алар биргән сорауларның күбесе социаль ярдәмнең күрсәтелә торган чаралары һәм аларны алу тәртибе, кредит каникуллары, акча күләме, башкарма производстволарны туктатып тору тәртибе турында хокукый белемнәрнең булмавы белән бәйле иде. Әлеге мәсьәләләр белән очрашканда, без Россия Федерациясе Кораллы Көчләренә хәрби хезмәткә чакырылган гражданнарның, шулай ук аларның гаилә әгъзаларының түләүсез юридик ярдәмгә хокукларын закон дәрәҗәсендә беркетү кирәклеге турында нәтиҗәгә килдек.
Бүген Татарстан Республикасы Дәүләт Советы утырышында «Татарстан Республикасында гражданнарга түләүсез юридик ярдәм күрсәтү турында» 2012 елның 2 ноябрендәге 73-ТРЗ номерлы Татарстан Республикасы Законының 12 нче маддәсендәге 1 өлешенә үзгәрешләр кертелде, алар билгеләнгән гамәлдәге тәртиптә гражданнарның әлеге категорияләренә телдән һәм язмача хокукый консультация рәвешендә түләүсез юридик ярдәм алу, алар өчен судларда, дәүләт һәм муниципаль органнарда гаризалар, шикаятьләр, үтенечләр һәм хокукый характердагы башка документлар төзүгә кагыла. Без керткән төзәтмәләр парламент депутатлары тарафыннан хупланды.