Мәҗбүри күченеп кайтучыларны кабул итү

2022 елның 20 декабре, сишәмбе

Мәҗбүри күченеп кайтучыларга ярдәм итү мәсьәләләре Вәкаләтле вәкилнең ныклы контроле астында кала. Вакытлыча урнаштыру пунктларында минем җәмәгатьчелек ярдәмчеләре эшләвен дәвам итәләр.

Гөлия Балафендиева "Санта" шифаханәсендә, "Икенче йорт" һәм "Экспресс"хостелларында урнашкан кешеләр янында булды. Биредә булган гражданнарның күпчелеге - өлкәннәр, пенсионерлар, инвалидлар, шуңа күрә пенсияләрне рәсмиләштерү, медицина тәэминаты мәсьәләләре актуаль булып  кала. Барлык сорауларга да аңлатмалар бирелде, бер мөрәҗәгать Вәкаләтле вәкилгә эшкә алынды.