Казан шәһәренең 39 нчы мәктәбендә кеше хокукларына багышланган Бердәм дәрес
Үсеп килүче буынга хокукый белем бирү – гаять мөһим мәсьәлә. Нәкъ менә шушы бурычны тормышка ашыру өчен Кеше хокуклары көненә багышланган ачык дәресләр сериясе дәвам итә. Шуны истә тотарга кирәк: бала үз хокукларын һәм бурычларын белсен һәм алардан дөрес файдалана алсын өчен, мәктәп яшендә хокукый белем формалаштырырга кирәк. Һәм мин моны минем иң мөһим бурычларымның берсе дип саныйм – балага катлаулы шартларда тормышында ориентлашырга ярдәм итү.
Кичә без «Ритм» 187 нче лицееның тугызынчы сыйныф укучылары янына бардык, ә инде бүген безне 39 нчы урта гомуми белем бирү мәктәбе каршы алды. Сигезенче сыйныф белән Кеше хокуклары буенча вәкаләтле вәкил Аппаратының эш аспектлары, аның бурычлары һәм мөмкинлекләре турында фикер алыштык.
Балалар игътибар белән тыңладылар, хокукый уеннарның интерактив форматларында катнаштылар һәм бик кызыксынып сораулар бирделәр. Хәтта дәрес тәмамланганнан соң да, сораулар укучылардан килүен дәвам итте, бу мине бик сөендерде. Якыннан торып кызыксыну - яңа белемнәрне уңышлы үзләштерү ачкычы. Соңыннан мин укучыларга уңышлар теләдем, ә алар мине кабат килергә чакырдылар.