Хабаровск краеның хәрби часть батальоны командирын бүләкләү

2022 елның 28 ноябре, дүшәмбе

Республика егетләрен Хабаровск краендагы хәрби частьләрнең берсенә кадәр озату вакытында Татарстан Республикасы Балтач муниципаль районында туып - үскән Евдокимов Эльвир Венер улы аерым билгеләп үтелде. Вәкаләтле вәкилнең җәмәгатьчелек ярдәмчесе Хабаровск краенда командировкада булганда, аны  Ватанның ышанычлы сакчыларын тәрбияләүдәге, үзенә тапшырылган шәхси составның уңай әхлакый-сәяси һәм психологик халәтен тәэмин итүдәге хезмәте өчен  рәхмәт хаты белән бүләкләде. 

Омбудсмен үтенече буенча Халыкара Әниләр көнендә Балтач районы башлыгы Рамил Нотфуллин шулай ук Эльвир Венеровичның әнисе  – Нурсия Хәматгали кызын  улының әхлакый сыйфатларын үстерүгә керткән өлеше, тәрбиясе өчен рәхмәт хаты һәм истәлекле бүләк белән бүләкләде.