Татарстан Республикасы Министрлар Кабинетында брифинг
Бүген Татарстан Республикасы Министрлар Кабинетында узган брифингта мобилизацияләнгән татарстанлыларга һәм аларның гаиләләренә ярдәм күрсәтү мәсьәләләре каралды. Сәрия Сабурская үзенең кыскача хәбәрендә почта аша яки электрон сервислар аша, шул исәптән»Халык контроле» системасына килгән мөрәҗәгатьләр һәм хәбәрләр темасына тукталды.
Бүгенге көндә безгә өлешчә мобилизацияләү буенча Россия Федерациясе Кораллы Көчләренә хәрби хезмәткә чакырылган гражданнардан һәм аларның туганнарыннан барлыгы 1084 мөрәҗәгать һәм хәбәр килде. Татарстан Республикасында Кеше хокуклары буенча вәкаләтле вәкил адресына төрле элемтә каналлары буенча 430 язма мөрәҗәгать килде; 573 хәбәр» Дәүләт хезмәтләре. Бергәләп хәл итәбез. Дәүләт һәм муниципаль хезмәтләрнең (функцияләрнең) Бердәм порталы» кире элемтә федераль платформасы аша килде;
81 мөрәҗәгать»өлешчә мобилизация» юнәлеше буенча»Халык контроле»Татарстан Республикасы дәүләт мәгълүмат системасы категорияләрендә дөнья күрде.
«Өлешчә мобилизация» дигән яңа юнәлеш 2022 елның 5 октябреннән Татарстан Республикасы дәүләт һәм муниципаль хезмәтләр порталында»Халык контроле» системасына өстәлде һәм үз эченә 10 категорияне ала:
«Хәрби хезмәт узу мәсьәләләре һәм проблемалары»;
«Өлешчә мобилизация тәртибе һәм шартлары мәсьәләләре»;
«Хәрби комиссариатлар эше мәсьәләләре»;
«Өлешчә мобилизация буенча кайнар элемтә»;
«Мобилизацияләнгән гражданнарның керемнәре һәм ярдәм чаралары»;
«Өлешчә мобилизация вакытында кичектереп тору/чакырылудан баш тарту»;
«Өлешчә мобилизациядә катнашу буенча тәкъдимнәр»;
«Өлешчә мобилизация шартларында оешмалар һәм предприятиеләр эше проблемалары»;
«Өлешчә мобилизация вакытында сәяхәт итү проблемалары»;
«Өлешчә мобилизациягә чакыру проблемалары».
«Халык контроле» дәүләт мәгълүмат системасына өлешчә мобилизация мәсьәләләре буенча гадәттәгечә Татарстан Республикасы дәүләт һәм муниципаль хезмәтләр порталында яки шул ук исемдәге мобиль кушымтада мөрәҗәгать итәргә мөмкин.