Вәкаләтле вәкил Казан югары танк команда училищесында булды
Вәкаләтле вәкил адресына, шул исәптән «Халык контроле» системасының баш модераторына мобилизацияләнүчеләрдән дә мөрәҗәгатьләр килә. Гражданнар борчыла, кайберләре гаиләләрендә килеп туган бу хәл аркасында аптырашта кала. Кешеләр чакырылыш комиссияләре карары белән килешмәү, мобилизацияләнүчеләрнең сәламәтлеге турында язалар. Әлбәттә, без һәр очракка зур игътибар белән карыйбыз. Шул ук вакытта закон нормаларын да, министрлык һәм ведомство коллегаларының җавапларын да исәпкә алабыз. Шул ук вакытта, мобилизацияләнгән кешеләр белән шәхси очрашулар булмаса, андый җаваплар гел тулы һәм объектив булмаска мөмкин.
Бүген мин Казан югары танк команда училищесында булган республиканың мобилизацияләнгән кешеләре белән очраштым, аларның көнкүреше белән таныштым, часть командованиесе вәкилләре белән очраштым, бу көзге көннәрдә республиканың төрле шәһәрләре һәм районнарыннан чакырылучылар белән турыдан-туры аралаштым. Тулаем алганда, шуны да билгеләп үтәргә кирәк, вәзгыять тыныч, мобилизацияләнүчеләр өчен барлык шартлар да тудырылган: алар хәзер урнашкан биналарда туклану оештырылган, өстәмә буфет та бар. Шул ук вакытта шәхси сораулар да бар: алар уку турында архив белешмәсен бирү, гаиләләрен торак белән тәэмин итү, инвалид балалары булган гаиләләргә ярдәм итү мәсьәләләре белән бәйле. Нотариаль палата, банк вәкилләре монда көн саен киңәш бирәләр. Консультация бирүчеләр санын арттыру буенча тәкъдимнәр кертелде. Барлык сорауларга да җаваплар бирелде, кайбер мөрәҗәгатьләр өлешчә мобилизация мәсьәләләре буенча республика оператив штабы утырышына тәкъдим итү өчен эшкә алынды.