«Халык контроле» системасында атналык эш нәтиҗәләре
2022 елның 22 августыннан 28 августына кадәр Татарстан Республикасы халкы «Халык контроле» системасында 5 167 мөрәҗәгать бастырды, шуларның 1354е хәл ителгән инде. Татарстанда Кеше хокуклары буенча вәкаләтле вәкил гражданнарның хокукларын үтәүне тәэмин итәргә мөмкинлек биргән оператив рәвештә башкарылган гаризаларның берничә мисалын китерә:
► Казанның Авиатөзелеш һәм Яңа Савин районнары хакимияте Чистай урамындагы реклама баннерын сүткән (№5095325);
► Главтатдортранс хезмәткәрләре Тукай районының Биклән авыл җирлегендә юл тамгасы куйган (№4959609);
► Аксубай районы башкарма комитеты тарафыннан Шоссе урамындагы мәгълүмат күрсәткечендә җибәрелгән хата төзәтелгән (№5084466);
► «Гринта» ҖЧҖ – төбәк операторы - Әлмәт районында чүп-чар чыгарган (№5108086);
► Түбән Кама районы башкарма комитеты тарафыннан Шинниклар проспекты буенча люк капкачы ремонтланган (№5113123).
Татарстан Республикасы халкы иң актив рәвештә түбәндәге төрләр буенча хәбәрләр бирде:
♦ «Территорияне комплекслы төзекләндерү» - 397;
♦ «Атамаларда һәм язмаларда хаталар» - 238;
♦ «Муниципаль юлларны карап тоту һәм ремонтлау» - 158;
♦ «Тышкы яктыртуны оештыру» - 114;
♦ «Юл хәрәкәтен оештыру» - 80.