Россия Федерациясе Иҗтимагый палатасының иҗтимагый күзәтү комиссияләре белән хезмәттәшлек һәм куркынычсызлык буенча комиссиясе рәисе Александр Воронцов белән очрашу
Пенитенциар системаның төп максаты - җәмгыятьне саклау һәм җинаятьләр килеп чыгу ихтималын булдырмау. Әмма пенитенциар учреждениеләрдә булган затларның хокукларын яклау өлкәсендә кыенлыклар да килеп чыга. Иҗтимагый күзәтү комиссиясе әгъзалары мәҗбүри тоту урыннарында кеше хокукларын тәэмин итүгә җәмәгать контроле белән шөгыльләнәләр. Җәмгыять аларга кеше хокукларын мониторинглау һәм кеше хокукларын бозу сәбәпләрен бетерү өчен дөрес мәгълүмат бирү өчен җаваплылык йөкли.
Бүген Татарстан омбудсмены Сәрия Сабурская РФ Иҗтимагый палатасының куркынычсызлык һәм иҗтимагый күзәтү комиссияләре белән хезмәттәшлек итү комиссиясе рәисе Александр Воронцов белән очрашты. Очрашуда шулай ук ТР Иҗтимагый күзәтү комиссиясе рәисе Азат Гайнетдинов катнашты. Татарстан оешмасы белән хезмәттәшлек турында сөйләшенде, аның составына Вәкаләтле вәкилнең җәмәгатьчелек ярдәмчеләре дә керә. Узган ел гына бергәләп 8 төзәтү учреждениесендә һәм 5 тикшерү изоляторында 22 очрашу үткәрелде.