Омбудсмен дүртенче чакырылыш Казан шәһәр Думасының XV сессиясендә катнашты
Бүген Татарстан Республикасында Кеше хокуклары буенча вәкаләтле вәкил Казан шәһәр Думасының XV сессиясендә катнашты.
Инвалидларның тормыш сыйфатын яхшырту, җәмгыятьтә яшәү өчен тигез мөмкинлекләр булдыру һәм тәэмин итү дәүләт социаль сәясәтендә өстенлекле юнәлешләрнең берсе булып кала бирә. Утырышта депутатлар сәламәтлекләре чикләнгән кешеләрнең тормыш дәрәҗәсен күтәрү өчен шартлар тудыруга, шул исәптән инвалид һәм мөмкинлекләре чикләнгән балалар тәрбияләүгә, спорт объектларын спорт белән шөгыльләнү өчен адаптацияләүгә һәм сәламәтлекләре чикләнгән затлар катнашында спорт-массакүләм чаралар уздыруга, мәдәни-ял учреждениеләрендә булган затларга чараларга баруга, социаль хезмәт күрсәтү бүлекчәләре тарафыннан социаль хезмәтләр күрсәтүгә кагылышлы проблемаларны тикшерделәр. Гаиләгә һәм балаларга ярдәм, өйдә социаль хезмәт күрсәтү һәм көндезге стационарда булу, шулай ук инвалидларны эш белән тәэмин итү мәсьәләләре дә тикшерелде. Мәсәлән, Хезмәт, мәшгульлек һәм социаль яклау министры Зарипова Эльмира Казанда 19 меңгә якын инвалид яшәвен, аларның 33% ы эшләвен, бу РФ һәм ТР күрсәткечләреннән артыграк булуын билгеләп үтте. «Уңайлы тирәлек» проблемасына да игътибар итте. Объектларның аз хәрәкәтләнә торган төркемнәр өчен ачык булуы мөмкинлеге турында хәбәрдарлыкны арттыру максатыннан «Казан шәһәренең уңайлы тирәлек карталарын»киңәйтү бурычлары куелды. «Добрая Казань»хәйрия фонды темасы аерым яңгырады. Проектны тормышка ашыру хәйрия үсешенә ярдәм итә. Шуның белән бергә проблемалар кала, алар шулай ук яңгырады. Утырыш нәтиҗәләре буенча Казан шәһәре башкарма комитетына мөмкинлекләре чикле затларның тормыш сыйфатын күтәрү өчен кирәкле башка шартларны оештыру буенча гамәлдәге даими комиссияләргә тиешле йөкләмәләр бирелде.