Министрлар Кабинеты утырышында 2021/2022 нче елгы ягу сезонына йомгак ясадылар

2022 елның 25 мае, чәршәмбе

 Былтыр ягу сезоны 6 сентябрьдә башланды һәм агымдагы елның май аенда тәмамланды. Аның озынлыгы 261 көн тәшкил итте – бу календарь елының 2/3 көне. Гадәттәгечә, беренче чиратта, җылылык социаль өлкә объектларына бирелде. 2021 елның 30 сентябренә барлык объектлар да җылытылган инде. Ягу чорында эшләү өчен 3 146 котельный, 17 476 күп фатирлы йорт, 3 333 мәгариф объекты, 2 013 сәламәтлек саклау объекты, 1 962 мәдәният объекты, 311 спорт һәм яшьләр объекты, 175 социаль яклау объекты әзерләнгән. Әмма, ягып җылыту чорында торак-коммуналь хуҗалык өлкәсендә 2 741 авария булган.

  Әлеге чорда Дәүләт торак инспекциясенә республика халкыннан җылылык белән тәэмин итү буенча сыйфатсыз хезмәт күрсәтүгә карата 1016 мөрәҗәгать керде.