Татарстан Республикасының Тарифлар буенча дәүләт комитеты эш штабы утырышы

2022 елның 25 мае, чәршәмбе

 “Халык контроле” дәүләт мәгълүмат системасына каты көнкүреш калдыклар чыгару проблемасы буенча иң күп гаризалар Казан шәһәрендә һәм Лаеш һәм Әлмәт районнарында яшәүчеләрдән килә. Шул ук вакытта Казанда шикаятьләрнең саны узган ел белән чагыштырганда 2 тапкырга кимегән. Каты көнкүреш калдыклары чыгару буенча эш штабы кысаларында Татарстан Республикасының  Тарифлар буенча дәүләт комитетының чираттагы утырышында Вәкаләтле вәкил доклад ясады. Анда күрсәтелгән муниципаль берәмлекләрдә каты көнкүреш калдыклары чыгару мәсьәләсе төп мәсьәлә булды.