Җәмәгатьчелек ярдәмчесе граждан мөрәҗәгате буенча йөкләмә үтәлешен тикшерде

2021 елның 26 марты, җомга

Вәкаләтле вәкилнең Түбән Кама районындагы җәмәгатьчелек ярдәмчесе Тамара Трошина мөрәҗәгать килгән  йортта ике тапкыр булды. Аның әйтүенчә, барлык кимчелекләр бетерелгән, юыну бүлмәләрендә яңа лейкалар, яңа батареялар  куелган, бинада җылы,  һәр кабинага шторалар эленгән, яңа пластик тәрәзәләр куелган, кием элгечләр бар. Капиталь ремонт планлаштырыла. 

Мәсьәлә Вәкаләтле вәкил контролендә кала.