Күчмә эш киңәшмәсе

2021 елның 25 марты, пәнҗешәмбе

Бүген  Вәкаләтле вәкилнең  хезмәткәре  Лениногорск муниципаль  районына сәфәре вакытында  “Халык контроле” системасына Бөгелмә һәм Лениногорск муниципаль районнары буенча килгән мөрәҗәгатьләрне  үтәү буенча эш киңәшмәсе үткәрде.    

Әлеге муниципаль берәмлекләрнең  башкарма комитетлары  җитәкчеләре һәм җаваплы башкаручылар  белән берлектә  системадагы  актуаль һәм тиз арада хәл итүне таләп иткән гражданнар мөрәҗәгатьләре каралды, килеп туган вәзгыятьтә кыска гына вакыт эчендә  хәл итү юллары тикшерелде.