Вәкаләтле вәкил каршындагы эксперт советы утырышы

2020 елның 20 ноябре, җомга

Бүген Татарстан Республикасында Кеше хокуклары буенча вәкаләтле вәкил  инициативасы буенча  Вәкаләтле вәкил каршындагы эксперт советының “Элеккеге тоткыннарны  тормышка яраклаштыруда дәүләт органнарының һәм җирле үзидарә органнарының  роле” темасына утырыш узды.

Иректән мәхрүм итү урыннарыннан азат ителгән гражданнарны тормышка яраклаштыру темасының актуальлеге шик тудырмый, чөнки бу рецидив  җинаять проблемасы белән дә бәйләнгән. Әлеге җинаятьнең торышы  иректән мәхрүм итү урыннарыннан чыккан гражданнарны тормышка яраклаштыру буенча эшне оештыру өлкәсендә дәүләт органнарының никадәр нәтиҗәле эшләвен күрсәтә.