Арчада - “Хокукый белемнәр мәктәбе”

2019 елның 30 сентябре, дүшәмбе

   Хәрби хезмәткә баручылар һәм аларның ата-аналары өчен үткәрелә торган “Хокукый белемнәр мәктәбе” дәресләре  Татарстан Республикасы Хәрби комиссары белән берлектә үткәрелә. Максат – хәрби хезмәткә чакырылучының  хокукларын һәм бурычларын дөрес аңлавын булдыру, яшь егетләрнең чакырылыш вакытында хокуклары бозылуга юл куймау.  

 Бүген Арча  педагогия колледжында республиканың 8 районыннан яшь егетләр җыелды.   

  Татарстан Республикасында Кеше хокуклары буенча вәкаләтле вәкил Сәрия Сабурская  катнашучыларны хәрби хезмәткә чакырылучыларның хокуклары белән таныштырды, сораулар килеп туганда кайда мөрәҗәгать итәргә кирәклеге турында әйтте.