Татарстан Республикасында Кеше хокуклары буенча вәкаләтле вәкил гражданнарны кабул итте

2019 елның 5 марты, сишәмбе

 Бүген вәкаләтле вәкилгә үз борчу-мәшәкате белән 15 кеше мөрәҗәгать итте.  Болар торакка хокукларны тормышка ашыру проблемалары, якыннарының җинаять эшләре белән бәйле эшләр. Мөрәҗәгатьләрнең күбесе традицион төстә  торак шартларын яхшыртуга, торак-коммуналь хезмәтләргә түләү буенча бурычларны каплауга кагыла. Һичшиксез һәр мөрәҗәгать  игътибар таләп итә һәм җентекләп өйрәнелеп муниципаль берәмлекләр, хакимият органнары, җинаять-башкару системасы органнары белән бергәләп эшләүне сорый.